Voronka va bosqichlar: bitimlar taxtasini qanday oʻqish

Сделки boʻlimi taxta koʻrinishida ochiladi: har bir ustun — voronka bosqichi, ustundagi har bir kartochka — bitim. Ustun ustida bitimlar soni va ularning umumiy byudjeti koʻrinadi.

Taxtani qanday oʻqish

• Chapdan oʻngga — mijozning yoʻli: yangi arizadan toʻlovgacha.
• Kartochkalar rangi va tartibi qaysi bitimlar uzoq vaqt joyidan siljimaganini koʻrishga yordam beradi.
• Kartochkadagi vazifa belgisi: qizil — vazifa muddati oʻtgan, belgi yoʻq — bitim boʻyicha birorta harakat rejalashtirilmagan. Vazifasiz bitim — «yoʻqolib qolish»ga eng yaqin nomzod.

Bir nechta voronka

Agar kompaniyada bir nechta yoʻnalish boʻlsa (masalan, «Sotuv» va «Servis»), har birining oʻz voronkasi boʻlishi mumkin. Ular Сделки boʻlimi sarlavhasida almashtiriladi — joriy voronka nomini bosing.

«Список» koʻrinishi

Taxtadan tashqari roʻyxat koʻrinishi ham bor — bitimlar koʻp boʻlganda qulay. Koʻrinish almashtirgichi boʻlimning yuqori panelida. Roʻyxatda bir nechta bitimni belgilab, hammasi bilan birdaniga amal bajarish mumkin: masʼulni, bosqichni almashtirish yoki vazifa qoʻyish.

Filtr va qidiruv

Yuqoridagi qidiruv satri bitim nomi, mijoz ismi va telefoni boʻyicha qidiradi. Yonida — filtr: «Мои сделки» (mening bitimlarim), «Без задач» (vazifasiz), muddati oʻtgan vazifalar, yaratilgan sana, byudjet va istalgan maydon boʻyicha. Koʻp ishlatiladigan filtrni saqlab qoʻyish mumkin.

Maslahat: kunni «vazifasiz mening bitimlarim» filtridan boshlang — va har biriga vazifa qoʻying.

Amaliyot

1. «Воронка» va «Список» koʻrinishlari orasida almashing.
2. «Vazifasiz mening bitimlarim» filtrini tuzing va saqlang.
3. Bitta bitimni keyingi bosqichga suring.